Невремето што вчера го зафати Скопје предизвика големи штети низ градот. Повредени се најмалку 10 лица, а откорнати, искршени и паднати дрвја утрово може да се забележат во речиси сите населби.
Иста е состојбата и во Градскиот парк, каде што силниот ветер искрши голем број дрвја. Дел од нив се паднати врз пешачките патеки.
Екипите на Град Скопје, општините и Министерството за внатрешни работи се на терен и работат на расчистување на последиците од невремето.
Според МВР, најголеми последици се регистрирани на подрачјето на СВР Скопје, каде што до 22 часот вчера биле евидентирани 117 оштетени патнички моторни возила, 35 оштетени покриви, 189 паднати дрвја, седум оштетени семафори, пет пожари и 10 повредени лица.
