Израелскиот министер за национална безбедност, Итамар Бен-Гвир, денес изјави дека договорот на американскиот претседател Доналд Трамп со Иран не го обврзува Израел бидејќи, како што изјави, не е подреден на САД.
„Ние сме независна и суверена земја“, рече Бен-Гвир, објави „Тајмс оф Израел“.
Бен-Гвир нагласи дека Израел не е потписник на договорот меѓу САД и Иран и дека документот не ја штити израелската безбедност.
„Не смееме да се повлечеме од ниедна територија во Либан што нашите борци ја освоиле“, рече Бен-Гвир.
Пакистанскиот премиер Шехбаз Шариф синоќа објави дека САД и Иран постигнале мировен договор и дека двете страни прогласиле моментален и траен прекин на воените операции на сите фронтови, вклучително и Либан. Тој рече дека договорот ќе биде потпишан на 19 јуни во Женева, а медиумските извештаи укажуваат дека текстот на договорот ќе биде објавен потоа.