Меморандумот за разбирање на Иран со САД ја вклучува обврската на Вашингтон да ги укине санкциите врз Техеран, да ги повлече своите сили од околината на Иран и да ја укине поморската блокада, објави денес иранскиот весник „Мехр“.
Меморандумот, исто така, вклучува повторно отворање на Ормутскиот теснец, укинување на санкциите за нафта и ослободување на замрзнатите ирански средства.
Конечните преговори ќе се фокусираат на нуклеарните и економските прашања и ќе ги исклучат дискусиите за ракетната програма на Иран, објави „Мехр“.