Едно лице е убиено во пукотница што се случи синоќа во населбата Миладије во Тузла, соопшти денес локалната полиција.
Оперативниот центар на Министерството за внатрешни работи на Тузланскиот кантон потврди дека пукотницата се случила околу 22.45 часот, објавува порталот „Кликс“. Според неофицијални информации, на пукотницата ѝ претходела расправија меѓу двајца мажи, по што било употребено автоматско оружје. Еден од учесниците во конфликтот бил убиен.
Местото на инцидентот го истражувaaт припадници на Одделот за криминалистичка полиција на Полициската управа во Тузла, а надлежните органи продолжуваат да работат на утврдување на сите околности на овој случај.