Пратеничката група на СДСМ поднесе Закон за измени на Законот за Влада по скратена постапка, забраната за двојно државјанство да важи за министрите, вицепремиерите и целиот состав на Владата и тоа веднаш., објавија од партијата.
– Со ова, СДСМ поставува јасен принцип: исти правила мора да важат за сите избрани и именувани функционери, без исклучок и тоа веднаш.
Измените коишто ВМРО-ОКГ ги најави на Законот за пратеници, со кои пратеник би можел да биде само лице со македонско државјанство, се уште една измама на власта.
Затоа што според нивниот предлог, овие измени би важеле дури од наредниот парламентарен состав, а не за актуелните пратеници.
Очигледно е дека целта е да се заштитат актуелните пратеници и министри на ВМРО-ОКГ кои имаат и други државјанства.
Ова е нечесно, лицемерно и спротивно на принципите на еднаквост и одговорност.
СДСМ ја разобличува оваа манипулација и презема конкретни чекори, освен Законот за влада ќе поднесеме и амандмани на предлогот на ВМРО да важи веднаш, се вели во соопштението од партијата.