Данската премиерка Мете Фредериксен му ја поднесе оставката на својата влада на кралот по исходот на параламентарните избори за нејзината трипартиска коалиција, соопшти кралската палата. Партиите се подготвени да влезат во потенцијално тешки и долги преговори за да утврдат дали Фредериксен или друг лидер на партијата ќе ја формира следната влада.
На власт од 2019 година, 48-годишната Фредериксен водеше кампања со ветување дека нејзините докажани лидерски вештини ќе ѝ помогнат на земјата да се снајде во сложениот однос со американскиот претседател Доналд Трамп и европскиот одговор на војната во Украина.
Но, во вторник таа се соочи со ниска излезност и од левичарските и од десничарските гласачи, кои се најмногу загрижени за инфлацијата, велат набљудувачите. Нејзините социјалдемократи, архитектите на децениската држава на благосостојба, освојуваат 38 места во парламентот, во споредба со 50 пред четири години.