Рафинерија за нафта во Хаифа беше оштетена попладнево од шрапнели од серија ирански ракетни напади што активираа сирени низ целиот Израел. Во серијата напади што започнаа во среда загинаа неколку лица, вклучувајќи двајца израелски цивили, три палестински жени и еден странски работник, објави „Џерусалем пост“.
Екипи за итна медицинска помош на „Маген Давид Адом“ беа испратени во рафинеријата, но нема извештаи за повредени. Претходно во текот на денот, полицијата и медицинскиот персонал истражуваа неколку локации каде што паднале ракети по нападите во централен Израел, каде што немаше пријавени повредени.
Сирените се огласија три пати во еден час во северен Израел пред 6 часот наутро во четврток, како одговор на нападите што ги започнаа Иран и либанскиот Хезболах. Службите за итни случаи соопштија дека нема повредени или поголема штета во нападите.