Експлозии повторно се слушнаа утрово во земјите од Персискиот Залив откако претходниот ден во американско-израелските напади врз Иран беше убиен иранскиот врховен лидер ајатолахот Али Хамнеи.
Иранската Исламска револуционерна гарда (ИРГЦ) објави во неделата дека десетици напади насочени кон американски и израелски позиции се извршени како одговор на атентатот врз врховниот лидер на Иран.
What are these mystery drones…#Dubaï #dubaiattack #DubaiAirports pic.twitter.com/W9xizjLWYO
— PsY (@NivethasPsY) March 1, 2026
Очевидци во катарската престолнина Доха објавија дека слушнале неколку силни експлозии во недела наутро. Катарската новинска телевизија Ал-Џазира објави најмалку 11 експлозии во Доха.
Експлозии беа пријавени и во Манама, главниот град на Бахреин. Сведоци објавија дека слушнале најмалку четири силни експлозии. Слики од погодениот и оштетен хотел во Манама почнаа да циркулираат на социјалните мрежи.
#dubaiattack Those Indian living in Dubai stay in Dubai we dont need u#Khamenei #WorldWar3 pic.twitter.com/jGHXpkmbLk
— अनीता चौधरी (@Anitachouddhary) March 1, 2026
Дубаи беше цел на нови експлозии двапати утрово. Дописниците на АФП во Дубаи слушнаа нова серија експлозии пред кратко време.
Во земјите од Заливот има американски воени бази каде што има илјадници американски војници. Тие беа изложени на силни напади од Иран во саботата.
Новинската агенција Тасним, полуофицијален медиум поврзан со ИРГК, објави дека цел на нападите биле 27 американски бази во регионот, како и седиштето на израелската армија и комплекс за оружје во Тел Авив.