Американскиот претседател Доналд Трамп денес изјави дека израелскиот претседател Исак Херцог треба да се „срами“ што не го помилува израелскиот премиер Бенјамин Нетанјаху, кој е на судење за корупција, додека кабинетот на израелскиот претседател соопшти дека одлуката за барањето сè уште не е донесена и дека се чека мислењето на надлежното министерство.
„Имате претседател кој одбива да му даде помилување. Тој треба да се срами од себе“, им рече Трамп на новинарите, според „Тајмс оф Израел“.
Според него, основното овластување што го има израелскиот претседател е да дава помилувања, но дека тој не го сторил тоа во овој случај.