Украина почна активно да користи копнени роботски системи на фронтот за да го компензира недостигот од персонал во армијата, пишува британски „Телеграф“.
Според весникот, вооружените сили на Украина на истокот од земјата сè повеќе користат беспилотни копнени борбени возила, вклучувајќи го и роботот наречен DevDroid TW 12.7.
Ова е систем со големина на косачка за трева, опремен со тежок митралез со голем калибар, кој може да се контролира од растојание до 24 километри.