Француската полиција приведе околу 40 лица поради непријавен огномет во Париз на плоштадот Трокадеро во близина на Ајфеловата кула, објави парискиот весник Фигаро.
🇫🇷Paris police arrested 40 people for the unauthorized launch of fireworks and smoke bombs in front of the Eiffel Tower, as PSG ultras celebrated the club’s historic six-trophy season. pic.twitter.com/tqIbyJmMfe
— Argonaut (@FapeFop90614) December 28, 2025
Париската полициска префектура изјави дека инцидентот се случил синоќа околу 21 часот и дека полицијата веднаш интервенирала, приведувајќи околу 40 лица и дека нема повредени.
Се додава дека е отворена истрага и дека се сомнева дека сторителите се навивачи на парискиот фудбалски клуб Париз Сен Жермен (ПСЖ).
Ова е втор непријавен огномет во декември. На 13 декември, инфлуенсерот Лорис Џулијано организираше огномет во близина на Трокадеро како дел од промоцијата на неговиот документарен филм.
Потоа беше отворена истрага за „загрозување на други лица и намерно кршење на обврската за одржување на безбедноста“ на јавно место, додаде Фигаро.