Белорускиот претседател Александар Лукашенко денес изјави дека системите за воздушна одбрана на земјата собориле дел од беспилотните летала што летале кон Полска и дека Минск навремено ја предупредил полската страна.
„Видовме каде летаат беспилотните летала. Соборивме сè што можевме да уништиме, но неколку останаа. Веднаш ја информиравме Полска. Што добивме? Како дивјаци, тие создаваат тензии од никаде“, рече Лукашенко на состанокот со претставникот на Белорусија во ОН, Валентин Рибак, оценувајќи дека Варшава се обидува да ја ескалира ситуацијата, пренесува новинската агенција Белта.