Белорускиот претседател Александар Лукашенко денеска ги обвини балтичките земји и Полска дека шират гласини во медиумите за наводниот план на Белорусија да ги нападне „бидејќи им се потребни финансиски средства“.
„Им требаат пари. Ниту трите балтички држави, поранешните републики на Советскиот Сојуз, ниту Полска немаат доволно моќ да ги задоволат нивните барања, особено воените“, рече тој за време на состанокот со претставници на безбедносните структури во Минск, пренесе агенцијата Белта.
Според него, проверките на вооружените сили кои моментално се вршат во Белорусија немаат никаква врска со какви било подготовки за војна.