Најавата на американскиот државен обвинител Пам Бонди за награда од 50 милиони долари за информации што ќе му помогнат на Вашингтон да го уапси венецуелскиот претседател Николас Мадуро е всушност „циркуска претстава и очаен обид“ да се одвлече вниманието од домашните проблеми, изјави венецуелскиот министер за надворешни работи Иван Гил Пинто.
– „Патетичната „награда“ на Памела Бонди е најсмешната димна завеса што некогаш сме ја виделе. Додека ги разоткриваме терористичките заговори што се организираат од нејзината земја, оваа дама создава медиумски циркус за да ја задоволи поразената венецуелска крајна десница, напиша Гил Пинто на својот канал на Телеграм.
Според венецуелскиот министер, кој остро ја отфрли политичката пропаганда од Вашингтон, „шоуто“ на Памела Бонди е „фарса и очаен обид да се одвлече вниманието од сопствените проблеми“, објави РИА Новости.