Шефот на Главната дирекција за разузнавање на Министерството за одбрана на Украина, Кирил Буданов, денес изјави дека бил цел на околу 20 атентати.
„Не го знам точниот број, но сигурно е дека имало повеќе од десет. Искрено мислам, некаде околу 20“, рече Буданов, пренесува Укринформ.
Како што забележа украинската агенција, во ноември 2023 година, сопругата на шефот на украинската воена разузнавачка служба, Маријана Буданова, била отруена со тешки метали, но преживеала.
По тој инцидент, Централната разузнавачка агенција воведе дополнителни безбедносни мерки.