Британскиот премиер Кир Стармер е под зголемен притисок од министрите во неговиот кабинет Велика Британија веднаш да ја признае Палестина како држава, објави Гардијан, цитирајќи неименуван британски министер.
„Веруваме дека признавањето на палестинската државност е важен симболичен чин што може да се направи само еднаш. Ако не сега, кога?“, рече министерот.
Гардијан објави дека Стармер бил повикан од неколку министри на разни состаноци на кабинетот во последните месеци да преземе водечка улога во признавањето на државата Палестина.