Поранешниот норвешки олимписки скијач Аудун Гренволд почина на 49-годишна возраст откако беше удрен од гром, објави Скијачката асоцијација на Норвешка (Norges Skiforbund).
Гренволд бил на планинарење во планинска колиба кога бил удрен од гром. Тој бил префрлен во болница, каде што бил лекуван од повредите, но починал на 15 јули.
Аудун освои бронзен медал во ски крос на Зимските олимписки игри во Ванкувер во 2010 година, а освои и бронза на Светското првенство во Финска во 2005 година. Тој се натпреваруваше и во алпско скијање, каде што го освои третото место на Светскиот куп во Шпанија во 1999 година.
„Норвешкото скијање изгуби истакната личност која значеше многу и за алпското и за фристајл скијачките заедници“, рече претседателката на Норвешката скијачка асоцијација, Тове Мое Дирхауг.
Гренволд се повлече од натпреварувањата по Олимписките игри во Ванкувер, а потоа беше селектор на норвешкиот ски крос тим од 2010 до 2012 година, а работеше и како телевизиски коментатор.
Зад себе ги остави сопругата Кристин Тандберг Хаугсја и трите деца.