Францускиот претседател Емануел Макрон денес изјави дека не го вознемируваат критиките од претседателот на Соединетите Американски Држави, Доналд Трамп, поради неговите коментари за предвремено напуштање на самитот на Г7 во Канада.
„Тоа не ме вознемирува“, изјави францускиот претседател за новинарите, според парискиот весник „Фигаро“.
Макрон во понеделник за време на брифингот за медиумите на маргините на самитот, откако Трамп го напушти самитот предвреме, изјави дека Американците им понудиле на Иранците средба и размена на мислења.