Американскиот претседател Доналд Трамп вчера предложи преименување на нови водни површини, откако претходно се обиде да ги смени имињата на Мексиканскиот Залив и езерото Онтарио, објави „Вашингтон пост“.
„Добивме залив. Добивме прекрасно езеро“, рече Трамп на собир во Кларксвил, во сојузната држава Тенеси. „Сега некој ми вели: ти треба река. Ни треба река. Ни треба океан.“
President Trump suggested renaming the Pacific or Atlantic Ocean as “Trump Ocean” or “Ocean of the Americas” on Saturday during a campaign rally in Clarksville, Tennessee.
“So we’ve got the Gulf, we’ve got a beautiful lake,” Trump said. “So we need a river, we need an ocean, so I was thinking of either the Atlantic or the Pacific, we’d call it Trump Ocean or Ocean of the Americas, something like that.”
— CBS News (@CBSNews) October 11, 2026
Трамп потоа се пошегува со идејата за преименување на Атлантскиот или Тихиот Океан, навестувајќи дека новото име би можело да го носи и неговото презиме.
„Ќе го наречеме ‘Трампов океан’ или, да речеме, ‘Океан Америка’, нешто во тој стил“, рече Трамп пред присутните, кои реагираа со смеа и аплауз.
„Пред да ја напуштам функцијата, мислам дека треба да добиеме еден океан. И ни треба една голема река“, додаде тој.
Минатата година Трамп веќе го преименуваше Мексиканскиот Залив во Американски Залив, што предизвика дипломатски тензии со Мексико и отворен спор со новинската агенција Асошиејтед прес, која одби да го користи новото име.
Во август отиде чекор понатаму и го преименуваше езерото Онтарио, кое се наоѓа меѓу американската сојузна држава Њујорк и Канада, во Американско Езеро. Тој потег го направи во период на царински и трговски несогласувања со канадските власти.
Претседателот на САД може со извршни наредби да ги менува официјалните имиња на водни површини и други географски локации во рамките на американскиот систем на именување. Приватните технолошки компании што управуваат со интернет-карти во голема мера брзо се приспособија на новите називи.
Во говорот во саботата, Трамп појасни дека нема да ја преименува реката Хадсон, која тече низ Њујорк, градот во кој е роден. Реката го носи името на истражувачот Хенри Хадсон.
„Човекот добро си ја завршил работата кога го именувал тоа пред многу време“, рече Трамп.
Тој додаде дека нема да го менува ниту името на реката Мисисипи, која ја формира западната граница на Тенеси, истакнувајќи дека има посебна наклонетост кон сојузната држава Мисисипи поради изборните резултати.
„Го сакам Мисисипи. Таму победивме со огромна разлика“, рече Трамп.
Минатиот месец Трамп предложи и сојузната држава Ново Мексико да го смени името во „Нова Америка“.
За таква промена би била потребна согласност од самата сојузна држава и од Конгресот, па минатата недела Трамп порача дека конечната одлука зависи од жителите на Ново Мексико.
„Нема да инсистирам, но на многу луѓе навистина им се допаѓа идејата“, рече американскиот претседател.