Претседателката на Европската Комисија, Урсула фон дер Лајен, денес изјави дека ЕУ и Обединетото Кралство „свртија нова страница“ во своите односи на денешниот Самит во Лондон и дека партнерството во областа на безбедноста и одбраната опфаќа многу теми.
„Ова ќе ја зајакне соработката во областа на одбраната“, изјави фон дер Лајен на конференција по завршувањето на самитот ЕУ-Велика Британија, според „Гардијан“.
Таа рече дека ова е првиот чекор кон учеството на Велика Британија во заедничка програма за јавни набавки со ЕУ вредна 150 милијарди евра.