Рускиот претседател Владимир Путин денес изјави дека секогаш размислува за наследник на функцијата претседател, но дека конечниот избор треба да го направат Русите.
„Секогаш размислувам за ова. Но, на крајот на краиштата, изборот е на народот, на рускиот народ, на граѓаните, на гласачите“, рече Путин во документарецот „Русија. Кремљ. Путин. 25 години“ на телевизискиот канал „Россија 1“, одговарајќи на прашањето дали размислува за тоа кој ќе ја води земјата во иднина, објави Интерфакс.
Путин се согласи со изјавата дека постојано го разгледува и проценува потенцијалот на секој можен кандидат.