Израел не може да биде принуден да ѝ дозволи на Агенцијата на Обединетите нации за помош и работа (UNRWA) да работи во Газа, изјавија денес САД на сослушувањето одржано во Меѓународниот суд на правдата (МСП) во Хаг.
САД изјавија дека Израел има право да одлучува кои организации можат да обезбедат основни потреби за населението на окупираните палестински територии, објави Ројтерс.
„Окупаторската сила има одреден степен на дискреција кога станува збор за тоа какви хуманитарни програми дозволува“, рече правниот советник на Стејт департментот, Џошуа Симонс.