Со особено задоволство, од свое лично име и од името на пратениците во Собранието на Република Македонија, Вам, на членовите на Ријасетот и на сите верници од исламската вероисповед во Република Македонија, Ви упатувам искрени честитки по повод исламскиот празник Курбан Бајрам.
Курбан Бајрам е празник кој ја симболизира хуманоста и солидарноста, кој потсетува дека љубовта и помагањето треба да се споделуваат, дека разликите треба да не спојуваат, да се почитуваме меѓу себе и да градиме заедничка иднина во просперитетна држава.
Република Македонија треба да биде пример каде мултиетничките и мултирелигиските вредности ќе функционираат во хармонија и ќе создаваат вистински темели на кои ќе се гради преспективата за сегашните и идните поколенија.
Ви посакувам пријатни празнични денови, со радост и бериќет во кругот на Вашите семејства и пријатели.