Комисијата за односи меѓу верските заедници и религиозни групи упати честитки по повод Курбан Бајрам до сите верници од исламска вероисповед и до Исламската верска заедница.
– Почитуван Реис Ул Улема Хаџи Сулејман ефенди Реџепи, дозволете ми вам лично и на членовите на Ријасетот, муфтиите, имамите и на сите граѓани од исламска вероисповед во Република Македонија да Ви упатам честитки по повод големиот празник Курбан Бајрам. Искрено посакувајќи овој празник да биде уште една можност длабоко да ги искажеме чувствата на почит, хармонија, добра волја и соживот, се вели во честитката од претседателката на Комисијата Валентина Божиновска.
Посакуваме, додава, овој празник да донесе среќа, мир и добросостојба во Вашите семејства и да помине во духот на радоста, веселоста и солидарноста.
– Нека биде овој празник поттик за зачувување на нашите заеднички вредности, меѓусебното помагање и напор за светла иднина за сите нас, се истакнува во честитката.