Вратата на НАТО останува отворена за земјите од Западен Балкан, порача генералниот секретар на Алијансата Андерс Фог Расмусен и оцени дека Хрватска може да помогне во неопходните реформи на тој пат.
– Евроатлантските интеграции се пат напред. Убеден сум дека Хрватска може да има важна улога во пружањето помош на останатите во регионот да одат понатаму со реформите.
Вратата на НАТО останува отворена. Но земјите кои тежат кон членство мораат да ги направат неопходните реформи за да минат низ таа врата, рече синоќа Расмусен во Дубровник, по средбата со шефот на хрватската дипломатија Весна Пусиќ.
– Хрватска има важна улога во изградбата на соработка и дијалог со регионот на Западен Балкан, додаде Расмусен по средбата со претседателот на хрватскиот парламент Јосип Лека.
Хрватскиот претседател Иво Јосиповиќ, кој исто така имаше средба со генералниот секретар на Алијансата, ја истакна важноста на НАТО за ширење на демократските вредности.
Во Дубровник вчера почна 59. годишна седница на Парламентарното Собрание на НАТО, која ќе трае до 14 октомври.