Пожар утринава избувна во воен воз што превезувал боева муниција, на 100 километри од рускиот град Новосибирск.
Нема жртви и разурнувања, но изгорени се 10 вагони со 30-милиметарски гранати, пренесоа руските медиуми, повикувајќи се на Министерството за одбрана во Москва.
Според првичните податоци, причина за инцидентот е оштетување на системот со сопирачки на возот, што предизвикало прегрејување, соопшти полковник Јарослав Рошчупкин, помошник командант на војската во рускиот Централен воен округ.
Муницијата требало да се употреби на полигонот „Јурга“, во Кемеровската област, во западен Сибир, прецизира тој.