Тајфунот „Данас“ ги одложи заедничките поморски маневри на САД, Јужна Кореја и Јапонија крај Корејскиот полуостров

Од:

За денеска планираните заеднички маневри на военопоморските сили на САД, Јужна Кореја и Јапонија крај Корејскиот полуостров, се одложени заради приближување на моќниот тајфун „Данас“, соопшти портпаролот на штабот на јужнокорејските военопоморски сили.

-Во моментов се спроведуваат консултации за да се донесе одлуката за одложување или целосно откажување од тридневните маневри, прецизира изворот.

Според синоптичките прогнози, тајфунот „Данас“ утре ќе удри врз јужните делови на Корејскиот полуостров.

На вежбите требаше да учествуваат нуклеарниот носач на авиони од Седмата американска флота „Џорџ Вашингтон“, како и јужнокорејски и јапонски ескадронски миноносачи, снабдени со противракетниот систем „Иџис“.

Претходно денеска Северна Кореја соошти дека нејзината армија е ставена во состојба на зголемена борбена готовност во врска со планираните заеднички маневри во Јапонско море.

Би можело да ве интересира

Невремето направи штети во светиниколско

Катерина Ѓуровски

Во Тетово и во Скопје уште се санираат последиците од невремето

Невремето остави хаос во Тетово, се санираат штети и во Скопје

Катерина Ѓуровски

Заглавено семејство во поплавена куќа во село Сиричино

Предраг Петровиќ

Поради обилни врнежи и блокирани патишта, сообраќајот од Велес и од Куманово кон Скопје се пренасочува од Хиподром кон обиколницата

Предраг Петровиќ

Невреме со силен дожд и грмотевици во Скопје