Претседателот на Демократската унија за интеграција, Али Ахмети денеска во Хаг се сретна со политичкиот директор на холандското Министерство за одбрана, Ауке Венема и со военото аташе за Македонија, Јан Вилен Де Волф.
Венема, соопшти ДУИ, ја изрази целосната холандска поддршка за интеграцијата на Македонија во НАТО и ЕУ, како и охрабрувањето за што е можно поскоро решавање на прашањето со името.
Ахмети се заблагодари за ангажираноста на холандските дипломати во градењето на демократски институции, мирот и стабилноста во земјата. Тој истакна дека сите досегашни достигнување се заеднички во соработка со меѓународната заедница посебно во декадата по Охридскиот Договор.
– Токму тие достигнувања можат да се дополнат само со интегрирањето на земјата во евроатлантските институции и затоа нашите пријатели, како Холандија и другите земји на ЕУ, треба да ги продолжат напорите кон надминување на сите пречки што ни го оневозможуваат овој пат и ги ризикуваат досегашните постигнувања, изјави Ахмети.
Ахмети, стои во соопштението од ДУИ, побара Холандија да се вклучи во решавањето на спорот со Грција со цел Западниот Балкан биде конечно целосно мирен и стабилен.
Тој утре во Хаг ќе се сретне со холандскиот министер за надворешни работи Франс Тимерманс, како и со членови на парламентарните комисии за надворешни работи и за европски прашања.