Кинескиот премиер Ли Кечијанг потпиша извршна наредба за спроведување на нови правила кои ќе го зајакнат одговорот на Кина на санкциите, објави кинеската влада.
Во 2021 година, Кина донесе закон со кој странците и странските субјекти вклучени во донесувањето или спроведувањето дискриминаторски мерки против кинеските граѓани и ентитети ќе бидат ставени на списокот на можни контрамерки, како што се забрани за влез и протерување.
Нивниот имот во Кина може да биде запленет или замрзнат, а исто така може да им биде забрането да работат со кинески граѓани и компании.
Новите правила ги детализираат секторите во кои може да им се забрани влез на странски поединци и организации, вклучувајќи образование, наука и технологија, правни услуги, заштита на животната средина, економија и трговија, култура, туризам, здравство и спорт.
Правилата исто така прецизираат какви чекори може да преземе кинеската влада како контрамерки, како забрана или ограничување на увозот и извозот на стоки и технологија.
САД и Европската унија воведоа серија ограничувања на трговијата со Кина во последниве години, а исто така се обидуваат да ги ограничат кинеските инвестиции. Така, ЕУ воведе дополнителни царини за увоз на електрични автомобили произведени во Кина и отвори серија истраги за понудите на кинеските компании во постапките за јавни набавки, пренесува tportal.
Кинескиот технолошки гигант Huawei е исклучен од купување на опрема за мобилна мрежа, а Германија ги заостри правилата за кинеските компании кои влегуваат во сопственичката структура на фабрики како што се производители на роботи и пристанишни терминали.
САД неодамна воведоа дополнителни царини од 20 отсто за увоз на кинески стоки.
Кина одговори со контратарифи и го ограничи извозот на минерали како што се галиум и германиум.
Новите правила треба да му овозможат на Пекинг да одговори на кршењето на правото на развој на Кина, нагласуваат кинеските власти, пренесува tportal.