Дмитриј Песков денеска оцени дека, иако и Москва и Вашингтон се подготвени да ја решат ситуацијата во Украина, им претстои многу работа за техничките прашања.
„Двете страни очигледно се подготвени да се придвижат кон мир и тука делат заеднички став. Генерално, секако ќе треба да се разгледаат многу аспекти од мировниот процес“, рече Песков за ТАСС, коментирајќи ги изјавите на американскиот претседател Доналд Трамп во врска со контурите на мировниот договор.
Според него, рускиот претседател Владимир Путин не ја променил својата наредба да не се напаѓаат објектите на енергетската инфраструктура и покрај прекршувањето на договорот на украинските вооружени сили за 30-дневна пауза.
– Досега немаше други наредби од претседателот. Нашите вооружени сили ги исполнуваат сите наредби на врховниот командант, рече Песков, коментирајќи ги украинските напади врз руските енергетски објекти.
