„Во Ургентниот центар на Универзитетскиот клинички центар на Србија се лекуваат 17 лица повредени во пожар во дискотека во Кочани, од кои двајца се на механичка вентилација, а двајца се оперирани.
Д-р Милан Стојичиќ, директор на Клиниката за пластична и реконструктивна хирургија при УКЦС, рече и додаде дека се во добра општа состојба.
„Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за интензивна нега“, изјави тој за РТС.
Тој наведе дека кај пациенти кои веќе биле оперирани, процедурата опфаќа отстранување на девитализирано ткиво и покривање со автотрансплантација, што значи дека нивната сопствена кожа се зема од други регии и се пресадува на изгорените места.
Говорејќи за тоа дали ќе им требаат повеќе интервенции, тој рече дека на еден пациент дефинитивно е предвидена операција од друга страна за околу пет дена, едната рака е веќе завршена.
За оние кои ќе се оперираат, рече дека нема да бидат потребни донатори на кожа, туку ќе можат да бидат свои донатори, а дефектите ќе се затворат со автотранспланти.
Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина.
-Имаат постојана помош на пулмолог, нестезиолог, но може да настанат опасности на сите органи секогаш, затоа имаме и абдоминални хирурзи постојано но и психијатри секој ден, лечење со убав збор, рече докторот. Тој кажа дека со роднините има постојан контакт зашто е забранет влезот во оваа фаза.