Турските власти уапсија десетици лица осомничени за „провокативни“ објави на социјалните мрежи, откако полицијата вчера го приведе градоначалникот на Истанбул, Екрем Имамоглу.
🚨 JUST IN: ISTANBUL UNIVERSITY STUDENTS PROTEST İMAMOĞLU’S ARREST 🚨
This afternoon, Istanbul University students took to the streets to protest the mass arrests, including that of Istanbul Mayor Ekrem İmamoğlu. Despite heavy police presence and security measures, students have… pic.twitter.com/b0chLOMFTw
— MedyaNews (@medyanews_) March 19, 2025
Главниот политички ривал на претседателот Реџеп Таип Ердоган беше уапсен вчера заедно со уште стотина лица, меѓу кои и политичари, новинари и бизнисмени.
🟡 NOW: Mass protests have erupted in Istanbul after authorities arrested Ekrem İmamoğlu, the main opposition leader from the CHP.
Critics call it a political coup. İmamoğlu faces charges of corruption and aiding the Kurdish PKK. pic.twitter.com/3FoC8iX1sk
— red. (@redstreamnet) March 19, 2025
Имамоглу е осомничен по повеќе основи, вклучително и водење на криминална организација, помагање терористи, примање мито и местење тендери.
Налогот за апсење на градоначалникот на Истанбул беше издаден само неколку дена пред внатрепартиските избори во главната опозициска Републиканска народна партија (ЦХП), на кои се очекуваше Имамоглу да биде избран за кандидат на ЦХП на претседателските избори во Турција.
Избори се планирани за 2028 година, но се споменува можност за предвремено гласање.
ЦХП рече дека апсењето на Имамоглу е „обид за државен удар против идниот претседател“.
Али Јерликаја, турскиот министер за внатрешни работи, утринава објави дека полицијата идентификувала 261 „осомничени менаџери на сметки“ на интернет, додавајќи дека овие лица објавуваат содржини што „ја поттикнуваат јавноста на омраза и непријателство“ и „поттикнуваат на извршување криминални дејствија“.
– Уапсени се 37 осомничени, а се работи на фаќање и на останатите осомничени – рече Јерликаја.
Би-Би-Си јавува дека Имамоглу ја поминал првата ноќ во затвор, но дека неговата опозициска партија засега сè уште ја контролира власта во Истанбул.
Еден од неговите претходни говори вчера беше емитуван на звучници на метро станиците низ најголемиот турски град.
„Се колнам во мојата чест дека ќе победам во оваа борба“, рече Имамоглу во тој говор.
Британскиот медиумски сервис Би-Би-Си објави дека студентите маршираат низ улиците на Истанбул под пороен дожд и ја извикувале опозициската парола „Не се плашиме, нема да замолчиме, нема да се потчиниме“.