Министерот за информатичко општество и администрација Иво Ивановски денеска ќе престојува во работна посета на Црна Гора, каде заедно со вицепремиерите на Црна Гора и на Србија, Вујица Лазовиќ и Расим Љајиќ, ќе потпише Спогодба за соработка во областа на информациско–комуникациските технологии меѓу трите земји.
Со спогодбата, владите на Македонија, Црна Гора и Србија се залагаат да ја унапредуваат економската, стопанската, научната и техничката соработка во областа на информатичките и комуникациските технологии.
Спогодбата ќе се потпише во рамките на Меѓународниот фестивал за информациски достигнувања „Инфофест“, кој се одржува во Будва.