Мексиканската претседателка Клаудија Шејнбаум денеска изјави дека земјата ќе одговори на американското воведување царини од 25 отсто за канадскиот увоз со воведување одмазднички царини за американски стоки, без да наведе детали.
Шејнбаум рече дека точните американски производи на кои Мексико ќе воведе царини ќе бидат објавени во недела, а дека пред тоа ќе разговара со американскиот претседател Доналд Трамп, најверојатно во четврток, пренесе АП.
– Нема никаков мотив, ниту причина, ниту оправдување што ја поддржува оваа одлука што ќе влијае на нашиот народ и нашата земја, рече Шејнбаум.
Трамп рече дека наметнува тарифи за Мексико за да ги принуди властите во земјата да ја спречат илегалната миграција и трговијата со дрога преку границата меѓу САД и Мексико, а Шејнбаум тврди дека се преземени мерки за да се спречи тоа.
