Две лица загинаа, а седум се повредени при уривање на мост во градот Ансон, Јужна Кореја. Несреќата се случила на градилиште на автопат, пренесува Јонхап.
Во тек е спасувачка операција за уште едно лице, велат властите. До несреќата дошло кога неколку бетонски блокови паднале од височина врз десет работници кои биле под мостот.
Две лица загинаа, седум се повредени, а спасувачите се обидуваат да извлечат едно лице од под урнатините. Националната агенција за пожари соопшти дека ги мобилизирала пожарникарите во операцијата за потрага по исчезнатите во несреќата.
Вршителот на должноста претседател на Јужна Кореја Чои Санг-мок нареди сите расположливи ресурси и персонал да бидат насочени кон спасувачката операција.