Кремљ дополнително го коментираше телефонскиот разговор меѓу актуелниот американски претседател Доналд Трамп и рускиот претседател Владимир Путин претходно оваа недела, што предизвика серија дипломатски активности поврзани со војната во Украина.
Портпаролот на рускиот претседател денеска рече дека повикот значи дека Русија и САД сега ќе разговараат за мир, а не за војна.
„Ова е силен сигнал дека сега ќе се обидеме да ги решиме проблемите преку дијалог“, изјави за новинарите портпаролот на Кремљ, Дмитриј Песков.
Песков додаде дека западните санкции нема да ги попречат разговорите меѓу Русија и САД, сугерирајќи дека тие би можеле да бидат „отстранети толку брзо колку што беа наметнати“.
Деталите од тој разговор не се целосно откриени, но украинскиот претседател Володимир Зеленски рече дека е вознемирен од сознанието дека Трамп го упатил првиот повик до Москва, а не со Киев.