Портпаролката на руското Министерство за надворешни работи, Марија Захарова денеска изјави дека нуклеарните технологии во рацете на Киев сериозно го загрозуваат меѓународниот мир и безбедност и дека доказ за тоа е провокацијата во затворената нуклеарна централа во Чернобил.
„Провокацијата во централата во Чернобил потврдува дека нуклеарната технологија во рацете на криминалниот режим на Зеленски претставува сериозна закана за меѓународниот мир и безбедност“, рече Захарова во изјавата објавена на веб-страницата на Министерството, пренесува РИА Новости.
Захарова претходно на прес-конференција истакна дека украинските претставници одат на Минхенската безбедносна конференција, која почна денеска, со различни „перформанси“, наведувајќи дека нападот на нуклеарната централа Чернобил, која е затворена и е подигнат заштитен ѕид околу нејзиниот оштетен реактор, е една таква провокација.