На вработените во Федералното истражно биро (ФБИ) им е наредено да одговорат на прашалникот за нивна можна вмешаност во криминални случаи отворени во врска со нападот врз Капитол од страна на поддржувачите на американскиот претседател Доналд Трамп на 6 јануари 2021 година.
Прашалникот содржи прашања за работното место на вработените, како и за нивната улога во истрагите за немирите на 6 јануари 2021 година што ги повика Трамп во обид да ги поништи резултатите од претседателските избори во ноември 2020 година, на кои победи Џозеф Бајден.
Вработените треба да одговорат на поставените прашањата најдоцна до вечерва. Вршителот на должноста заменик јавен обвинител на САД, Емил Бове, побара во петокот ФБИ да му го предаде списокот на сите вработени кои работеле на случаи поврзани со немирите во Капитол, како и оние кои работеле на кривичниот случај отворен минатата година против водачите на палестинската милитантна група Хамас во врска со војната во Појасот Газа.
Минатата недела, Бове отпушти повеќе од десетина обвинители од Министерството за правда кои беа вклучени во кривични случаи против Трамп предводени од поранешниот специјален советник Џек Смит, од кои едниот беше изведен за обид за поништување на резултатите од претседателските избори во 2020 година, а другиот за тоа што Трамп задржал доверливи документи откако ја напуштил Белата куќа.
