Погребот на поранешната прва дама на СФР Југославија во „Куќата на цвеќето“ ќе ја чини Србија повеќе од 500.000 евра, јавува српскиот портал „Информер.рс“.
Јованка Броз, чија здравствена состојба е критична, пред да падне во кома од која вчера се разбуди, изразила желба да биде закопана крај својот сопруг.
Српската влада сè уште нема излезено со јасен став за начинот на кој ќе биде погребана Јованка Броз. Во оптек се неколку опции, од кремирање, до поместување на надгробната плоча во „Куќата на цвеќето“, тешка девет тона, па сè до ископување на ново гробно место во рамките на музејот.