Лидерот на Демократската унија за интеграција, Али Ахмети, денеска во Брисел имаше средба со олеснувачот при имплементацијата на Рамковниот договор во 2001 година, Питер Фејт, со кого разговарале за прашањата важни за земјата и регионот.
Лидерот на ДУИ, Ахмети, на својот фејсбук-профил објави дека попладнево ќе се сретне со еврокомесарот за проширување, Штефан Филе, а вечерва ќе разговара со политичките советници на претседателот на ЕУ, Херман Ван Ромпуј.
Токму Ахмети од завчера, придружуван од својот партиски колега и министер за евроинтеграции Фатмир Бесими, е на десетдневна турнеја низ повеќе европски метрополи, каде од лидерите на Унијата ќе бара помош за решение на името за спорот со Грција и за побрзо интегрирање во ЕУ и во НАТО.