Повиците на социјалните мрежи за бојкот на големите маркети в петок во земјава, добија посеризно значење откако го подржаа здруженија, движења па и политички фактори. Идејата е в петок по примерот на Хрватска, да се бојкотираат маркетите и со тоа да се покаже револт од високите цени во продавниците.
Поорганизиран отпор има во земјите од регионот. Во Хрватска веќе имаше бојкот минатиот петок и се покажа успешен, во Србија исто така организацијата „Ефектива“ повика на бојкот за четири ланци маркети кои како што велат манипулираат со цените.
Хрватите први ги почнаа овие акции, а продолжуваат и со порадикални мерки со оглед дека има повик и да не се пазари цела седмица. Најави за бојкот на маркети и големи ланци има и во Босна и Херцеговина и во Словенија.