Снежното невреме ја зафати целата територија на Македонија, а прогнозата е дека ќе има обилни врнежи од снег во следните два дена проследени со ветер од северен правец, кој ќе услови многу ладно време, голомразица, како и појава на снежни наноси.
Се очекува насекаде да се формира снежна покривка во Македонија, која на планините ќе надмине и 50 сантиметри.
Во Скопје преку ноќта се формира снежна покривка која се очекува да надмине 20 сантиметри.
Температурите речиси насекаде во Македонија ќе бидат под нулата, како во ноќните и утринските часови, така и во текот на денот, само во крајните југоисточни предели температурата ќе биде само за некој степен над нулата преку денот.
Идната неделани се најавени оларни температури кои наутро на многу места ќе се спуштаат до околу -10 степени, а на повеќе места и под -10 степени , а се очеуваат температури дури и до околу, па и под -15 степени и појава на силен мраз насекаде во Македонија.