Новоизбраниот американски претседател Доналд Трамп денеска изјави дека претседателот Џозеф Бајден прави се што е во негова моќ за да му го отежне враќањето во Белата куќа. Трамп обвини дека Бајден донесува апсурдни извршни наредби и одлуки, вклучително и оние од новата зелена агенда, како и други одлуки само да се трошат пари, објави Си-Ен-Ен.
„Не плашете се, сите тие одредби наскоро ќе бидат укинати и ние повторно ќе станеме силна нација на здравиот разум“, порача Трамп.
Трамп претходно во телевизиска емисија изјави дека сегашната администрација зборува за трансфер на власта и дека сакаат тоа да се одвива без проблеми, но всушност прават се за да го отежнат тој процес што е можно повеќе.
Тој исто така рече дека ќе се обиде да ја укине последната одредба донесена од Бајден за трајна забрана за идно дупчење нафта и гас во Атлантикот и Пацификот.