Израелскиот премиер Бенјамин Нетанјаху денеска ќе одржи состанок на владата.
Ова го изјави неименуван израелски функционер за американската телевизија Си-Ен-Ен.
Состанокот на владата доаѓа во време кога израелските лидери размислуваат каков одговор треба да испратат по иранскиот ракетен напад врз нивната земја на 1 октомври.
Си-Ен-Ен потсетува дека поширокиот регион веќе е вклучен во конфликтот.
Израел ги засили воените операции во Појасот Газа, издавајќи наредби за евакуација и блокирајќи ја испораката на храна во сиромашната палестинска енклава.
Се вели дека тензиите продолжуваат на израелско-либанската граница, а десетици земји ги осудија нападите врз мировниците на Обединетите нации.
Поради израелски воздушни напади и копнена инвазија, четвртина од либанската територија е под наредба за евакуација, а вчера премиерот на таа земја повторно побара прекин на огнот.
Иран ги информираше САД и некои земји на Блискиот Исток дека ќе возвратат на секој нов напад од Израел, изјави денеска за Си-Ен-Ен извор од Техеран запознаен со дипломатските разговори.
Во петокот, извор изјави за Си-Ен-Ен дека израелскиот кабинет разговарал како да одговори на ракетниот напад на Иран од 1 октомври, но не донел одлука за тоа.