Израел не и дал никакви гаранции на американската администрација дека нема да ги таргетира иранските нуклеарни постројки како одмазда за неодамнешниот ракетен напад на Иран, изјави за Си-Ен-Ен неименуван висок претставник на Стејт департментот.
Официјалниот претставник додаде дека е „навистина тешко да се каже“ дали Израел ќе возврати на иранскиот напад на годишнината на 7 октомври од нападот на Хамас врз јужен Израел, но дека тој верува дека одмаздата најверојатно ќе се случи пред или по тој ден.
Тој посочи дека САД речиси една година се ангажирани за спречување на конфликтот во Појасот Газа да се претвори во поголема регионална војна, но и покрај тоа, регионот на Блискиот Исток сега е на работ на војна.