Либанскиот министер за информации Зијад Макари денеска на состанокот на владата изјави дека се прават дипломатски напори за постигнување примирје со Израел.
„Сигурно е дека либанската влада сака примирје и сите знаат дека израелскиот премиер Бенјамин Нетанјаху отиде во Њујорк врз основа на претпоставката за примирје, но одлуката беше донесена да се убие (лидерот на Хезболах, Хасан) Насралах“, рече Макари.
Според него, тоа не значи дека премиерот Нетанјаху се колеба во својата намера, но ситуацијата не е лесна, пренесе Ројтерс.
Убиството на лидерот на Хезболах Хасан Насрала во израелските воздушни напади, што Хезболах го потврди вчера, ги зголеми тензиите меѓу Либан и Израел по повеќемесечниот конфликт долж нивната заедничка граница.