Амбасадата на Соединетите Држави во Либан ги повика своите граѓани да го резервираат „секој достапен авионски билет“ за да го напуштат Либан.
И покрај откажувањето на летовите за Бејрут, „опциите за комерцијален транспорт за напуштање на Либан остануваат достапни“, се вели во соопштението на амбасадата.
„Ги охрабруваме оние што сакаат да го напуштат Либан да резервираат кој било достапен билет, дури и ако тој лет не полета веднаш или не ја следи посакуваната рута за враќање“, додаваат тие.
Британската влада ги повика своите граѓани „веднаш“ да го напуштат Либан додека сè уште се достапни трговските линии.
„Тензиите се високи и ситуацијата може брзо да се влоши. Мојата порака до британските граѓани е јасна: „Одете сега“, изјави шефот на британската дипломатија Дејвид Лами.
Форин Офисот исто така бара од Британците во Либан да контактираат со конзуларните служби таму за властите да можат да ги информираат за развојот на настаните.
Лондон, исто така, сугерира дека „воен персонал“ наскоро ќе биде распореден „во регионот“ за да им обезбеди на британските амбасади „оперативна поддршка за помош на британските државјани“.
Во случај на потреба се „на готовност“ и хеликоптери на кралското воздухопловство.
Стравувањата од влошување на ситуацијата дополнително се интензивираа во регионот бидејќи Иран и неговите сојузници, вклучително и либанскиот Хезболах, упатуваат постојани закани кон Израел, кој го обвинуваат дека е одговорен за смртта на палестинскиот лидер на Хамас, Исмаил Ханија.