Израелскиот премиер Бенјамин Нетанјаху изјави дека Израел е подготвен за директен напад од Иран и дека ќе одговори на истиот начин.
„Граѓаните на Израел, во последните години, а уште повеќе во последните недели, Израел се подготвува за можност за директен напад од Иран. Нашите одбранбени системи се распоредени и ние сме подготвени за секое сценарио, како во одбраната така и во нападот. Државата Израел е силна“, рече Нетанјаху.
Тој посочи дека го цени фактот што Соединетите Американски Држави (САД) застанаа во одбрана на Израел, но и поддршката од Велика Британија, Франција и други земји.
„Утврдив јасен принцип – кој и да не повреди, ние ќе го повредиме. Ќе се браниме од секаква закана и тоа ќе го направиме мирно и одлучно. Знам дека и вие, граѓаните на Израел, сте мирни. Ве поканувам да ги слушаме директивите на Командата, стоиме заедно и со Божја помош, заедно ќе ги победиме сите наши непријатели“, рече Нетанјаху.
Иран го нападна Израел со лансирање на десетици беспилотни летала, а се проценува дека ќе им требаат неколку часа за да го поминат растојанието и да стигнат до целите. Секој дрон носи по 20 килограми експлозив.