Цистерна се запалила на автопатот Велес – Градско во близина на бензиската пумпа „Дади Компани“. Брзата интервенција на пожарникарите од Територијалната Противпожарна Единица од Велес спречиле експлозија на цистерната. Пожарот го гаснеле со 2 возила и пет пожарникари.
„ На ден 09.04.2024 во 09:08 примена е дојава за запален шлепер цистерна на автопатот Велес – Градско во близина на бензинската Дади Компани. Територијалната Против Пожарна Единица Велес излезе на лице место со 2 пп возила и 5 пожарникари спасители. По пристигнување на лице место пристапено е со гасење на пожарот брзото пристигнување и брзата интервенција спречено е пожарот да предизвика експлозија на цистерната. “ соопштуваат од ТППЕ Велес,
Оттаму апелираат доколку граѓаните забележат пожар веднаш да се јават на бесплатните телефонски броеви 112 или 193.