Во вторникот телото на американски државјанин (54) било пронајдено во областа Орлово гнездо во Брезовица, Косово, а светските медиуми објавија дека станува збор за познатата поранешна скијачка Кетрин Ригби.
Албанските медиуми првпат јавија за смртта на Ригби во средата, а како што се наведува, несреќата се случила по снежна лавина.
И покрај тоа што во пријавата не беше наведено точното име, нејзините блиски ја информираа јавноста за трагичниот настан заедно со неколку нејзини фотографии на социјалните мрежи.
Во извештајот на магазинот „Backcountry“, уредникот Адам Хауард истакна дека популарната Каша отелотворува слободен дух.
– Целиот свет изгуби посебна душа – се наведува во неговиот текст.
Кетрин Ригби е родена во Вермонт и прва постигна „телемарк“ скијачко спуштање од Чо Ју, шестиот највисок врв во светот кој се наоѓа на Хималаите. Таа беше учесник во други посебни подвизи во Русија, Еквадор и Либан.